lipu tenpo li jo e lipu Patreon! o kama sona e ni!

lipu tenpo logo

lipu tenpo

jan pi lon ala

jan jan Kapesi Pake tenpo 2023-02-06 lipu nanpa tu musi musi

tenpo pini lon leko¹ la
mi lukin e jan pi lon ala.
ona li weka kin lon ni.
o tawa, tawa a tan mi!

mi kama lon tenpo lape
la jan nasa ni li awen.
taso, mi alasa oko
la ona li weka tan tomo!
“o weka! o weka! o kama kin ala!
o weka! o pakala ala e lupa…” (a!)

pimeja la lon leko la
mi lukin e jan pi lon ala.
ona li weka kin lon ni.
jan o tawa weka tan mi….

¹ ni la, “leko” li sama supa
ante toki pi “Antigonish” tan
jan Men (William Hughes Mearns)