lipu tenpo li jo e lipu Patreon! o kama sona e ni!

lipu tenpo logo

lipu tenpo

seme li mi?

jan jan Alonola tenpo 2024-02-07 lipu nanpa tenpo musi musi

this seme li mi, written with sitelen pona

tan jan Alonola

mi jo e luka tu anu luka tu wan
jan li lukin e mi, mi pona tawa jan
mi jo e uta ala, taso ken la mi mu
mi sona taso e nanpa luka luka tu

luka mi li sama palisa, li tawa sike
mi jo ala e noka; taso mi awen la ike
jan la, mi kama jaki tan ni: mi awen
sinpin mi li walo, selo mi li kiwen

mi lili lon poki len, li suli lon tomo
sina lukin e mi la, sina sona e tenpo