tenpo lon ma ante

jan jan Alonola tenpo 2025-06-29 lipu nanpa supa sona sona

kulupu mute li lon ma ni. kulupu ante li pilin e tenpo kepeken nasin ante.

tenpo li sama sike

ken la, tenpo li sama sike tawa sina. sike mute li lon: jan li kama lon, li awen, li kama moli, li kama sin. ni li lon kulupu mute open pi ma Amelika. tenpo li sike tawa la, tenpo pini en tenpo kama en tenpo ni li kama wan.

tenpo li sama linja

ante la, ma mute la, tenpo li sama linja. ona li jo e open, e insa, e pini. nasin ni la, pali pona en tenpo pona li suli: jan pi kulupu ni li kama lon tenpo pona. jan ni li toki mute e ijo pi tenpo kama. nasin ni li suli mute lon kulupu mute pi tenpo ni.

tenpo lon pilin

pilin la, tenpo li linja ala. ken la, tenpo li tawa lili anu tawa suli. jan sona Ape Ansan (Albert Einstein) li kama sona e ijo mute pi tawa tenpo. taso ni li lon sona taso. pilin la, ona li toki e ni:

sina lon poka pi olin sina la, tenpo suli li sama tenpo lili. sina lon supa seli la, tenpo lili li sama tenpo suli.

tenpo lon pali

jan sona Ole (Edward T. Hall) li toki e ni: nasin tu pi tenpo pali li lon. nasin nanpa wan la, sina ken pali e ijo, li pini e ijo, li pali e ijo sin. ni li nasin pali pi ijo wan. nasin nanpa tu la, sina ken pali e ijo mute lon tenpo sama. ni li nasin pali pi ijo mute. nasin pali pi ijo wan la, tenpo pona en tenpo ike li suli tawa jan. ni la, sina o kama lon tenpo, o pali lon tenpo wan. sina o kama ala lon tenpo ante. nasin pali pi ijo mute la, tenpo li sama ko. ni la, sina ken pali lon tenpo ni anu tenpo kama. ni li suli lon ma Amelika seli, lon ma seli ante. nasin pali pi ijo wan li suli lon ma Mewika, lon ma Elopa lete, lon ma Nijon.

tenpo pini en tenpo ni en tenpo kama

tenpo pini en tenpo ni en tenpo kama li ken suli, li ken lili tawa jan. ma Nijon en ma Sonko en ma Juke en ma mute ante la, tenpo pini li suli mute tawa jan. jan li awen kepeken e nasin pi tenpo pini. tenpo ni li suli la, jan li lon tenpo ni, li musi, li pana e mani lon tenpo ni tan ni: ken la, mani en musi en tenpo pona li weka lon tenpo kama. tenpo kama li suli la, jan li ken awen a, li wile awen a. ona li pilin mute e tenpo kama.

toki ni la, mi toki e ni: ma wan li jo e nasin ni. taso nasin mute li lon ma wan. ken la, sina jo e nasin tenpo ante …