lukin la mun en ma li ante. ante suli la lupa sike li lon mun. ma li jo ala e lupa sike tan seme?

kiwen waso li pakala e mun li pali e lupa sike. kin la kiwen waso li kama tawa ma. taso ma li jo e telo mute a. kiwen waso mute li kama lon telo suli li pakala ala e ma. kin la ma li jo e selo kon. selo ni li pakala e kiwen kepeken seli.

kin la kiwen suli li tawa lon ma li weka li kama sin. ni li lon tan telo seli pi insa ma. ona li tawa e ma suli ale. ma suli wan li tawa anpa pi ma suli ante la ma suli anpa li kama telo kiwen seli. sama la telo kiwen seli li kama lon supa li kama lete li kama kiwen. nasin ni li awen e supa ma. ni la kiwen waso li pali e lupa sike lon ma la supa li awen pona. mun li jo ala e nasin ni pi pona supa e selo kon. tan ni la ona li jo e lupa sike.