ona li jan ala. ona li soweli ala. ona li ijo nasa. jan ala li wile utala e ona. jan mute li pilin monsuta tan ona. ona li seme? jan ala li sona. nasin la, jan li lukin ala e ona. suno li pini la, ona li tawa ma kulupu jan. jan ale li sona e ni: ona li tawa ma tomo lili lon tenpo pimeja. tan ni la, jan ale li pini e lupa ale. taso jan wan lili li pilin ala e monsuta tan ona. jan lili wan li open e lupa tomo. jan lili li tawa wawa e lawa tan pilin monsuta. ijo monsuta li lon ma seme? ona li awen lon seme? jan lili li sona ala. taso jan lili li kama sona lon tenpo lili. jan lili li tawa lon sike. ona li lukin e ona! jan lili li toki wawa: "jan sewi a!" ona li kute e kalama. taso ona li tawa ala. jan lili li tawa ona. jan lili li toki: "sina monsuta ala. sina ijo nasa. taso sina monsuta ala!" ona li mu taso. jan ante ale li tawa tan tomo ona. mama meli pi jan lili Ela li toki wawa: "jan Ela o! sina seme?" jan Ela li toki: "mi toki tawa ona!" mama meli li toki sin: "kon toki sina li seme? sina toki tawa sina lon insa pi tenpo pimeja! mi mute li wile lape!" jan lili Ela li sona ala e ijo ale pi tenpo ni. jan Ela li toki tawa ona: "toki mama li jo ala e kon. sina lon!" ona li mu taso sike. jan Ela li toki sin: "jan suli li pilin ike wawa tan sina … jan mute li pilin monsuta tawa sina … ona ale li toki e ni: sina lon ala. taso ona ale li toki tan sina!" mama meli li toki lon tenpo ni: "o pini a! jan Ela o tawa e sijelo sina tawa mi lon tenpo ni anu tawa mi lon tenpo ala." jan Ela li open pana e telo lukin. jan Ela li toki lon lawa: "tan seme la mama li pali e nasin ni?" kon lete li tawa. jan Ela li open kepeken e len lawa. mun li suno lon sewi ona. jan Ela li wile sona e ni: tan seme la jan suli ale li pilin monsuta tan ona? jan lili li kama sona. jan Ela li toki: "mi ken ala awen lon ni. mi wile alasa e kon … mi sona: ni li nasa. taso mi sona kin: awen li nasa mute."