sina wile kama jo e lipu tenpo lon lipu lon. wile sina la, lipu li kule ala li pimeja li walo taso. ni la, sina kepeken ilo sitelen. taso a, tenpo lili la, ilo sitelen li toki e ni: "mi jo ala e telo sitelen loje. mi ken ala sitelen e ni."

pilin sina la, ilo ni li pakala. sina wile e kule ala la, seme la ni li wile e kule? ken la sina wile sona e ni kin: "nasin seme la ilo sitelen li sitelen e kule? ona li jo ala e telo sitelen pi kule ale a."

nanpa wan la, sina lukin e poki kule pi ilo sitelen sina. sina sitelen lon lipu lon la, sina sona e ni: kule ona li sama lili. ona li loje, li jelo, li laso sewi kin. taso a, ona li ante lili sama ni: kule ni li jo e walo lili a. nasin ni li nasin CMYK. nasin ni la, sina pana e kule ni tu wan la, sina kama jo e pimeja a!

taso tan ni la, sina wile sona e ni kin: nasin kule ante seme li lon?

nanpa tu la, ken la sina sona e ni. tenpo pi lili sina la, jan sona li toki e ni: sina ken pali e kule ale kepeken kule tu wan taso. loje, jelo, laso sewi. sina ken kepeken walo kepeken pimeja kin. taso a, sina ken ala kama jo e kule ni luka tan kule ante. sina sitelen kepeken luka sina la, sina sona e ni a. ken la ilo sitelen sina li ni kin?

taso a, ilo toki sina li kepeken ala e ni. ni la, wile sona sin li lon: "nasin seme la ilo toki li pana e kule?"

o lukin e sinpin pi ilo toki sina. ona li ken pana e sitelen tawa lukin sina kepeken kule ale a! ona li pana e suno pi kule ona tan ona. sina lukin e ona la, ona li ilo suno lili mute. ona li loje, li laso sewi, li laso kasi. ilo li pana e kule mute a kepeken ni: ona li ante e wawa pi suno ni. nasin ni li nasin RGB. sina wile e pimeja la, ilo li pana ala e wawa tawa ilo suno. walo la, wawa mute tawa ale.

lon la, ilo sitelen mute li ni ala. ona li wile ala e loje tan pimeja tan ni: ona li jo kin e poki pi telo sitelen pimeja. nasin CMYK li toki e ni a. toki Inli la, sitelen K li nimi "Key", li pimeja. taso a, ilo sitelen ale li kepeken ala ni a.

sina ante e poki sina pi telo sitelen, li kama jo e lipu tenpo. wawa a! sina ken lukin e toki ni lon lipu. kin la, sina kama sona e ni: nasin seme la ilo sitelen li sitelen e kule? sona ni li pona a.