jan sona li wile kama sona e sewi pimeja e mun. tan tenpo pini suli la, jan sona li tawa sewi pimeja li awen lon tomo sewi. tomo ni li mun ilo suli li sike e ma. tan ni la, jan sona li pilin ala e wawa anpa, li awen lon kon. jan sona pi ma ante mute li kepeken tomo sewi tan ni: lon ni la jan li kama sona e ijo suli pi mun ale.

taso, tomo sewi li kepeken e mani mute tawa pali pona, tawa moku, tawa telo, tawa len, tawa ijo ante mute. ale li tawa sewi kepeken tomo tawa sewi pi mani suli. kin la, tomo sewi li kama majuna^[1] la, ilo ona li kama pakala lon tenpo kama lili. tan ni la, jan pi ma ale li pilin e ni: tenpo kama la tomo ni o awen ala lon sewi pimeja. tomo ni li weka la, jan sona li ken ala awen lon sewi.

kulupu lawa pi ma ale li wile ala pana e mani mute tawa tomo sewi sin. taso, jan sona li tawa sewi pimeja kepeken nasin seme a? jan li toki e ni: tenpo kama la, jan esun li pana e mani tawa tomo sewi sin. mi la, ni li nasin pona ala tan ni: jan esun pi mani mute li kama jo e wawa li lawa e sewi pimeja.

tomo sewi sin o lili o jo e pakala lili. ni li suli tawa pali pi jan sona. nasin ni la, mi mute li awen sona e ijo sin pi sewi pimeja. ken la, jan li weka tan ma li tawa mun Luna anu mun Masi kepeken sona tan tomo sewi sin.