lukin jan li ken pilin e suno kepeken ijo lili mute a. toki ni la, kulupu tu ni pi ijo lili li suli: lili palisa en lili kule. ni la, palisa li mute nanpa wan. ona li pilin e kule ale suno li ken e lukin lon pimeja. lili kule li ken e lukin kule. ona ale li pilin suli e wan taso pi kule ni: jelo en laso kasi en laso telo. lon anpa la, sina ken lukin e wawa pilin pi lili kule tu wan tan kule suno ale.

ilo pi pana suno li ken sama sitelen kepeken nasa ni pi lukin jan. loje en laso kasi en laso telo li kule suli tawa kule suno. kepeken wan pi kule ni la, ilo li ken pana e kule mute a! ilo li pana e wawa pi kule suli ante tawa ni: ona li kama wan tawa jan li sama kule wile. kule tu wan ni ale li wawa nanpa wan la, suno li sama walo. sama la, kule ala li kama pimeja.

kin la ilo sitelen li alasa kepeken ken jan wawa ni: lukin mi li ken pilin e ante lili a pimeja. jan li lukin e ante pi suli suno la, ante pimeja li suli tawa ante walo sama. ni la, pimeja li kepeken sona mute tawa walo lon ilo.

nasin ni li kepeken la, ona li len pona e selo lon insa pi suli pimeja ante. ni ala la, jan li ken ike a lukin e ijo lon pimeja lon sitelen ilo.

wawa la, ilo sina li ni tu li ante mute lon tenpo ale ni: ona li pana e sitelen tawa sina. sina lukin e ni lon ilo la, ona li pali nanpa mute mute a kepeken tenpo lili tawa ni: ona li sitelen e toki ni e sitelen e kule e walo e pimeja li pana e ona tawa sina. ona li ni ale tawa lukin nasa mi tawa ni: sitelen li ken nasa ala tawa lukin mi.