mi jo ala e tomo tawa. ona li mani mute! tan ni la, mi jan noka. tenpo mute la ni li pona. taso, mi lon kulupu tomo sin. kulupu ni li ike tawa jan noka.

o pilin tawa jan noka! mi wile e ni: kulupu tomo li kulupu pi jan mute. taso, tenpo lili la mi lukin e jan noka. jan ale li tawa kepeken tomo tawa. mi sona e tan: nasin ale li lon tawa tomo tawa taso. tenpo ni la, kulupu ni li kulupu pi tomo tawa mute.

mi jo e ilo tawa pi sike tu la, nasin li ike kin! nasin mute pi tomo tawa li jo ala e nasin pi sike tu. tan ni la, jan pi sike tu li tawa lon nasin pi jan noka. tan ni la, jan noka li wile ala e tawa noka. jan noka li ken tawa kepeken nasin seme?

jan noka li jo e nasin la, nasin li ike kin! tenpo mun la, kulupu mi li pimeja mute. kulupu mi li jo ala e ilo suno mute. mi tawa kepeken sike tu la, mi kepeken e ilo suno lili. ni li monsuta mute! tomo tawa li tawa kepeken wawa. mi tawa lon pimeja. monsuta…

mi wile e ijo wan: jan lawa pi kulupu tomo o pilin tawa jan noka!