mi jo e len.
len mi li len jelo, li len suli, li len seli lete.
len mi li pona.

len mi li jelo loje. mi ken alasa e ona tan len mute ante.
len mi li suli mute. ona li jo e selo suli pi telo ala, li jo e len lawa linja, li len e noka mi.
len mi li pona.

kin, len mi li len seli li len lete.
seme la, len seli lete li lon?
seme la, seli en lete li wan li pona lon ijo wan?

len mi li len lete, tan ni: mi kepeken ona lon tenpo lete.
len mi li len seli, tan ni: ona li seli e mi.

ni li ken wawa e sona sina. o sama len mi.
o pali e ijo ante mute lon ijo wan sama.

mi jo e len jelo suli lete seli.
len mi li pona mute.