pakala ale ala li ike. jan li pakala la, pali kama ona li ken pona anu ike e pakala ni. pakala pona li wile e ni tu wan: pakala la, jan li sona, li pona, li alasa sin ala. ni li lon ala la, pakala li ken ike.

pali nanpa wan li ni tawa pakala pona: jan o sona a e ona. pilin la, ni li wile e pali lili. taso, ona li suli nanpa wan li wile e wawa mute lon tenpo mute. kama sona la, jan li pakala li sona ala e ni la, jan li pakala sama lon tenpo kama. ni la, pakala li kama sama kiwen li wile e pali mute a tawa ni: jan li kama sona ala e ijo pakala. sama la, jan li pakala e jan ante li sona ala la, ike pakala li kama mute. ni la, jan li toki ala e pakala tawa jan ante li ken ala pona e ona. pakala pi sona ala li ken ike a!

jan li sona e pakala ona la, ona o pona e pakala ni. kama sona la, jan o weka e pakala anu ijo sin pi pakala ala. jan li pakala e jan ante la, jan o toki e pakala o pana e pona tawa ona. jan li pakala e ijo la, jan o alasa wan e ona anu kama jo e ona sin. jan li pona ala e pakala la, pakala ni li awen ike.

pakala pona o kama ala ike la, jan o alasa sin ala e pakala sama. jan li sona e pakala li pona e ni la, taso ona li pakala sama pi sin mute la, ona li kama sona ala tan pakala ni. jan li sin lili taso e pakala la, ona li ken ike ala. taso, jan o pali e nasin ni: jan li ken pini e pakala kepeken ona. pakala li kama sin mute li ante ala la, pakala ni li ike.

suli la, pakala o monsuta ala. pakala li lon li suli tawa kama sona tawa kama pona. pilin monsuta pakala li ken pini e ijo mute pi kama pona. pakala li lon ala la, ala li kama ante. o pakala pona o kama pona a!