mama li moli la kon pini uta
li ni e kute mi: “sina ken sin
e jan tan moli. len mi la o luka
e lipu lili mi o sama ni: n…!–”
tan len la lipu jelo jaki wan
li pana pakala e sona nasin:
“mun sin la o ken tawa open jan
lon nasin telo S███ tawa ma sin.”
mi alasa lon telo S… ale;
mun nanpa ale wan la wawa telo
li sin e ma tan tenpo open tenpo.
mi tawa ma li tawa tomo jelo.
n. sinpin wan la sitelen li awen:
“moli li moli la o pakala e n…!–