tenpo pini lili la jan pi toki pona li kulupu lon ma tomo Aken lon ma Tosi. jan Alonola en jan Melisuwi li open e tomo ona tawa jan kama. ona tu li pona a. ni la jan pi ma mute li kama kulupu. ona ale la jan luka li lon kulupu pali pi lipu tenpo.

mi kama lon la jan li seli e pan linja. mi ale li moku pona li toki pona lon ma kasi lili. mi pilin pona tan ni: mi sona e jan ale tan tenpo kulupu pini li kulupu sin lon poka ona. tenpo pimeja la mi musi kepeken lipu musi li toki mute.

kin la mi mute li lukin e ma tomo Aken. jan Alonola li toki e ijo suli ona. ma tomo Aken li jo e tomo sewi suli e open telo nasa. open telo li pona tawa sijelo. taso ona li ike a tawa pilin nena. tenpo ante la mi tawa ma pi ma tu wan kepeken ilo. ma Netelan en ma Pesike en ma Tosi li lon poka ni. mi lukin e ma ni li tawa lon ma kasi ona.

tenpo lawa la mi mute li kulupu lon poka pi jan ante pi lipu tenpo li toki e lawa ona. mi pana e sona sin li toki e pilin e pali pi tenpo kama. jan mute li wile pali e ijo sin. pini la jan Alonola li pana e lipu tenpo mute ona tawa jan ale. tenpo ni la jan lon ma mute li jo e lipu tenpo mute lon tomo ona.

sitelen ni li lon tomo mi. tomo mi li lili, taso jan luka wan pi toki pona li lape lon ona. nimi Kisa li kama tan nimi sin kisa. kisa li soweli lili li soweli tomo li soweli ko. ona li suwi. tenpo ale la soweli mute ni li tawa lon nasin Kisa. ni la ona li kama jo e nimi ona. sina lukin e “nasin Kisa” la o kama pona, o toki tawa mi. mi pali e telo seli pona. ~ jan Alonola