tenpo ni la jan mute li wile tawa ma ale. jan ni mute li ni kepeken tenpo lili. ona li kepeken tomo tawa li kepeken tomo tawa sewi. ona li lape li suno seli e selo ona li moku. ni la ona li tawa tomo ona. mi toki e ni: sina o tawa ma ni ala. sina o tawa ma kepeken tenpo suli o tawa ma pona.

lon ma Elopa la, ma kulupu li pali e lipu tawa Intawe. sina kama jo e lipu ni kepeken mani la sina ken kepeken tomo tawa linja ale pi ma Elopa. sina ken ni kepeken tenpo pi wile sina. tenpo suno mute anu tenpo mun mute. sina tawa kepeken lipu ni la sina o tawa kepeken tenpo mute. mi la ni li pona mute. tan seme?

lon pi jan ale li suli. ijo mute li lon. jan mute li jo e lawa ike. ni la jan li wile tawa ma li awen e lawa ike lon tomo ona. taso, mi toki e ni: sina tawa ma kepeken tenpo lili la sina awen e ike ni. sina wile weka e ike ni la sina o kepeken tenpo suli. ni la sina ken toki lon lawa sina li ken pali ala li ken pona e lon sina.

jan mute pi lipu Intawe li tawa ma kepeken nasin sama ante. ijo wan la jan ni mute li lape lon tomo lape pi jan mute. tomo ni li jo e pona tu ni: sina ken lape lon tomo kepeken mani lili. kin la sina ken toki tawa jan tawa ante mute! ni la sina ken wan li tawa ma li ken kama jo e jan pona mute! sina ken kama sona e nasin ante mute. ni li pona mute. sina wile pona e lon pi jan ale la sina o sona e lon ona.

sina jo e lipu pi tomo tawa sewi la sina o lon tomo pi tomo tawa sewi lon tenpo wan. sina ni ala la sina ken ala tawa. ni li ike. taso sina jo e lipu Intawe la sina ken kepeken tomo tawa linja ale. ni la sina ken tawa lon tenpo pi wile sina. sina lon ma tomo la sina wile tawa ala la… sina tawa ala! sina awen li lape li tawa tomo sona li moku pi tomo ni. taso kin, sina wile tawa la… sina tawa! sina jo e lipu Intawe la sina ken ijo wile.

sona ale la sina o tawa ma kepeken nasin tawa Intawe! sina tawa ma mute li ijo mute la o sona ala e ijo ale e ma ni ale! jan ale li ken kama jo e lipu Intawe. jan ale o pali ala o tawa ma. o tawa!