soweli en waso li lon utala
uta waso li lon len pi kute wan
len li kama pakala tan uta la
uta soweli li mu lon toki jan:

“kulupu pi mama mi o alasa
waso ni o kama moku sina mi
sina kute ala la o pakala
sina kin la kute wan o sama ni”

kulupu li kama tawa soweli
taso waso kin li sona toki mu:
“sina wile ala wile jo e mi?
sina wile la o kon e luka tu”

soweli la toki ni li seme a?
ona ale li ken ala tawa kon
noka li ken tawa lili sewi ma
taso waso taso li ken awen lon