jan Soseli Panlika (tan ma Tesa pi ma Mewika) li lon supa lape lon tomo pi pona sijelo. sona sin ni li pana e pilin pi ike wawa tawa ona: jan lili pi poki mama ona li pakala. ona li kama moli lon tenpo kama. jan lili sin ni li kama ala lon poka pi jan lili ante ona.

jan Soseli li jo e jan lili ni lon poki ona lon tenpo esun luka luka luka tu taso. jan sona li toki e ni tawa ona: “jan lili li ken ala awen lon poki li kama moli li open e kama ona”

tenpo ni la jan pi pona sijelo o weka e jan lili tan poki mama. ona li ni ala la ijo lili jaki¹ li pakala e sijelo mama. mama li ken kama moli kin a. taso jan pi pona sijelo li ni ala tan toki ona ni: "jan lili li moli ala lon tenpo ni. mi weka e ona lon tenpo ni la mi pali e ni: mi moli e jan lili. lawa li ken ala e ni."

tenpo suno tu li pini ala la jan lili li moli. taso ijo jaki li pakala e poki mama e sijelo ale ona lon tenpo suli ni. ike mute la suno tu wan li pini la mama li moli. lawa ike li moli e ona a.

¹ ona li ken ijo sama soweli. sijelo ona li lili mute a la jan li ken ala lukin e ona kepeken oko taso.

mi kama jo e sona ni tan lipu ni: https://www.propublica.org/article/josseli-barnica-death-miscarriage-texas-abortion-ban