jan ale li kama lon tan ko
tenpo kama la jan ale li kama ko

jan nanpa wan li jo ala e nimi
taso, jan ale li sona e ona

ona li pali e ma e nena e lupa
ona li pana e telo tawa lupa ni

jan ale li sona e pali ona
jan ale li tan pali ona

taso

pali ale li kama pakala li kama moli
pali ale li kama ko

ijo li ala e ale li lanpan e pali ona

ijo ni li pakala e pali ona
ijo ni li ken pali e jan sin kepeken pakala pi pali ona

tenpo ale la ni li lon