toki pona la nimi suli wan li lon: kijetesantakalu. mi lukin e soweli la mi ken sona kepeken nasin seme e ni: ona li kijetesantakalu ala kijetesantakalu. pilin mi la nasin tu li lon.

soweli ale li ante. kala li moku ala e kon. waso li ken tawa waso. selo akesi li sama kiwen. pipi li lili. soweli li jo e len selo. taso nasin toki ni li pakala. soweli mute li ken tawa waso. akesi mute li jo e selo pi kiwen ala. waso mute li ken tawa taso kepeken noka. pipi mute li suli. kala pi mute lili li ken moku e kon.

jan mute li toki e ni: soweli li tawa lon telo li awen lon ona la soweli ni li kala. soweli tawa sama waso la ona li waso. sona soweli la ni li nasa. taso nimi tu li ken lon! lukin la ijo li ijo a. sona la ona li ken ijo ante. ona li jo e nimi tu: nimi sona en nimi lukin.

mi toki mute e soweli ante, taso kijetesantakalu li seme? lukin la kijetesantakalu li jo e oko pimeja. len lawa ona li walo li pimeja. selo ona li jo e kule tu kin. mi la ona li lukin sama soweli ko. ni la kijetesantakalu li soweli wan taso anu seme? akesi pi kule mute li lon. soweli pi kule mute li lon. kala pi kule mute li lon. taso kijetesantakalu pi kule mute li lon ala lon? mi la ona li lon loje kin.

kijetesantakalu li sama akesi li sama waso li sama pipi: ona li kulupu soweli li soweli wan taso ala. kijetesantakalu mute li lon. ona li suli li lili, li sike li linja, li pimeja li walo li loje. nimi kijetesantakalu li kama tan nimi ni pi toki Sumi: “kierteishäntäkarhu”. ni li nimi suli sama “kijetesantakalu”. ona li nimi pi soweli ni:

nimi “kierteishäntäkarhu” li nimi tu wan: “kierteinen” (palisa sike) en “häntä” (linja) en “karhu” (soweli wawa). jan Sonja li pali e nimi ni tan musi. taso jan li awen kepeken e ona. open la ona li pana e kon ni:

[...] "kijetesantakalu". toki Lasina la ni li toki e soweli ale pi kulupu Procyonidae. [...] mi kama e nimi ni tan toki Sumi tan nimi kierteishäntäkarhu. toki Sumi la nimi ni li soweli Potos. (ken la mi kama wile e ni: soweli ni kin li kijetesantakalu: ona li lili li loje li suwi li moku e kasi kiwen palisa lon ma Sonko. taso mi awen sona ala.)

kulupu Pokonite (Procyonidae) li suli a. kijetesantakalu mute li lon ona li kulupu luka. kijetesantakalu ale li kama tan ma Amelika. mute la seli li pona tawa ona. taso kijetesantakalu wan li tawa ma Elopa li tawa ma Nijon li pilin pona lon ma ni. sitelen pi sitelen pona li lukin sama kijetesantakalu ni.

tenpo open pi nimi “kijetesantakalu” li weka mute. kon pi nimi “kijetesantakalu” li kama suli. tenpo pini la jan Sonja li toki lili e kijetesantakalu loje. ona li pona mute tawa jan pi toki pona. jan pi toki pona li wile e ni: ona li kijetesantakalu kin. ona li kijetesantakalu. taso kulupu soweli seme li kijetesantakalu lon tenpo ni? kulupu Mutelote (Musteloidea) a! kulupu ni la kijetesantakalu loje en kijetesantakalu jaki en kijetesantakalu linja li lon. kijetesantakalu jaki li pimeja li walo. soweli ike li lon la ona li pana e telo jaki. telo jaki ni li ike mute tawa pilin nena. mute la sijelo pi kijetesantakalu linja li linja li sike ala. ona li kulupu suli kin.

kijetesantakalu loje tu li lon. taso ona li sama mute. ni la mi toki e sona pi ona tu. ona li lon ma Sonko li lon ma Nepali li lon ma poka kin. ma ni la ona li lon ma kasi pi kulupu nena Imalaja. linja one li loje li suli. taso sijelo ona li lili. sinpin ona li walo lili. noka ona li pimeja. ale la ona li suwi lukin!

ona li awen lon kasi kiwen palisa li moku e ona. lili la ona li moku kin e kili e soweli lili. ona li ken insa lili e kiwen luka la ona li ken tawa sewi kepeken ona. kijetesantakalu loje li lape lon tenpo suno. ona li lape lon kasi palisa kin. ni la soweli ante li ken ala alasa e ona. ona li kulupu ala. ona li wile unpa la ona tu li kulupu li unpa li weka. kijetesantakalu lili li awen lon poka pi mama meli ona lon tenpo suli.

toki Inli la nimi ona li sama mute soweli wawa pimeja walo (panda). taso ona tu li sama ala. nimi li tan toki Nepali li jo e kon ni: ona li moku e kasi palisa. sina la kijetesantakalu loje li kijetesantakalu ala kijetesantakalu? ken la kijetesantakalu ante li lon. o pana e pilin sina.