ante toki

tenpo weka la jan kasi li lon ma Sonko. soweli¹ ona li weka tan tomo lon tenpo wan la jan mute pi tomo poka li kama li toki : ni li ike mute la mi mute li pilin ike. jan kasi li toki : ken.

suno kama la soweli ona en soweli sama mute pi ma kasi li kama sin tawa tomo. jan pi tomo poka li kama sin li toki : pona a. ni li pona mute a. jan kasi li toki : ken.

suno kama la mije lili pi jan kasi li pali e ni : ona li pona e soweli sin. taso ona li ni la ona li tawa anpa tan soweli. ike la noka ona li pakala.
jan pi tomo poka li kama sin li toki : ike mute a. jan kasi li toki : ken.

suno kama la jan li kama tan jan lawa li toki e ni : wile anu wile ala la mije pi sijelo pona o lon kulupu pi jan utala. taso mije pi jan kasi li jan pi noka pakala la jan lawa li wile ala e ona. ni la jan kama li tawa. jan pi tomo poka li kama sin li toki : ni li pona mute a. jan kasi li toki : ken.

toki ni li pana e sona ni : ijo li kama lon la ijo sin ante li kama lon tan ona. ijo ale li sama ni. ni li linluwi² ike pi pini ala a. ni la jan li ken ala sona e ni : tenpo kama la seme li kama lon tan ijo. jan li ken ala toki e pona anu ike lon ijo kama tan ni : pona anu ike li ken kama tan pona tan ike. sona ni li ken pilin pona e jan pi pilin ike.

1. tawa en utala la jan li kepeken soweli ni

2. ijo mute li linluwi la ijo pini li tan pi ijo lon. ijo lon li tan pi ijo kama. ijo ale linluwi li sama ni.