tenpo mun ni la sitelen tawa sin li kama: jan pali pi weka kon: ali sin [Ghostbusters: Afterlife]. jan mute li wile lukin e ona!

jan Awan Leman [Ivan Reitman] li pali e sitelen tawa "jan pali pi weka kon" pi tenpo pini. tenpo ni la jan lili ona Sesan Leman [Jason Reitman] li pali e sitelen tawa sin ni.

mi mute li sona e ni: tenpo pini la jan Ikan Sapenkala [Egon Spangler] li pini weka e kon ike la ona li mama e meli lili wan; nimi ona li Kali Sapenkala [Callie Spangler]. taso jan Ikan li tawa ma Okalajoma [Oklahoma]. jan Kali li awen lon ma Nuja [New York], li sona lili e mama mije ona. jan Ikan li moli la ona li pana e tomo ona lon ma Okalajoma tawa jan Kali.

tenpo ni la jan Kali li jo ala e mani e mije, li ken ala awen lon ma Nuja, li wile jo e tomo pi jan Ikan lon ma Okalajoma. tan ni la jan Kali en jan lili tu ona--meli Pipi [Phoebe] en mije Tuwewa [Trevor]--li tawa ma Okalajoma.

ma Okalajoma li pona tawa jan Kali li pona tawa jan lili ona: jan Kali li kama toki tawa mije sin. jan Tuwewa li lukin e ma Okalajoma pi pona lukin, li pali lon tomo moku lon poka pi meli pona. jan Pipi... nnn, ona li nasa lili... taso ona li kama jo kin e jan pona sin. ona li lukin lon tomo sin ona, li kama lukin e ilo majuna^[1] pi jan Ikan!

taso ijo li kama. kon ike sin li lon! monsuta^[2] pini li kama sin! "sina ken toki tawa jan seme?!"

jan Tuwewa en jan Pipi li ken ala ken weka e kon ike sin ni? ona li ken ala ken awen e ma tan ike?

o tawa lukin e sitelen tawa sin pona ni lon tenpo mun ni!