open

ma Pelin la tomo lawa pi ma Tosi li lon. ona li kama lon la ma Tosi ni li lon ala. tenpo pini weka la jan mute ala li lawa e ma Tosi. kulupu lili li lawa e ona. jan lawa nanpa wan li jan Wilen nanpa wan (Wilhelm I). taso tenpo ni la tomo ni li tomo pi lawa kulupu li suli mute tawa jan Tosi.

jan mute li wile pali e sitelen tomo. jan pali li kepeken e sitelen ni tawa pali. taso sitelen tomo wan taso li ken lon. jan mute li pana e sitelen. pini la sitelen pi jan Walo (Paul Wallot) li pona nanpa wan.

ni la jan Wilen li supa e kiwen nanpa wan lon tenpo sike nanpa luka luka luka tu wan ale mute mute mute mute tu tu (1884). taso ona li pali ala e tomo ni. jan mute li pali e ona. taso jan li pali e tomo ni tan seme? ma Tosi li kama ma wan la kulupu lawa li kama suli a. ona ale li lawa lon tomo ni.

tenpo pini

utala suli nanpa wan li pini la ma Tosi li kama ante. jan li ken toki e wile ona. ike la kulupu Nasi (Nationalsozialisten) li kama lawa. tenpo ni la seli suli li lon tomo lawa pi ma Tosi. mi ken ala toki e ni: jan seme li seli e tomo lawa. taso kulupu Nasi li toki e ni: jan pi kulupu ante li seli e tomo. kulupu Nasi li wile anpa e kulupu ante li wile weka e ona. ni la ona li poki e jan tan kulupu ante li ante e lawa. kulupu Nasi taso li kama lawa.

utala suli nanpa tu li pini la ma Tosi li kama tu. tomo lawa li lon ma Tosi pi pini suno. ona li lon poka pi ma Tosi pi kama suno. taso jan li kepeken lili e tomo lawa.

ma Tosi li kama wan sin la jan li pona e tomo lawa pi ma Tosi. jan li pali e sike suli lon sewi ona. pali ale li pini la kulupu lawa li lon tomo lawa pi ma Tosi.

tomo

sona tomo la tenpo nasin mute li lon. tenpo pini a la nasin tenpo pi kama sin li lon. taso nasin ni li kama lili. taso ma Tosi li kama wan la jan li wile e ni: ni li tenpo sin pi kama sin. ni la ona li pali e ijo mute sama nasin pi tenpo pini. jan li pali e tomo lawa pi ma Tosi kepeken nasin tenpo sin pi kama sin.

tomo la palisa mute li lon. mi la sinpin li pona lukin a. tomo sike suli li lon sewi ona. kiwen pi tomo sike li kiwen pi ken lukin. sina ken lukin tawa insa lon ona. tomo la tomo sike ni li sin. open la ona li lon ala.

toki lili ni li lon sinpin tomo: tawa kulupu Tosi (DEM DEUTSCHEN VOLKE). kon ona li ni: kulupu lawa ni li pali tawa kulupu Tosi. kon ni li ike tawa jan Wilen kulupu Tosi li ken toki e wile ona. lawa kulupu o awen!