jan li wile toki la ken la ona li toki e wile ona ala · kulupu li toki pona lon ma Pelin la mi kute e toki ni mute pakala · jan Toma li toki e ni : ‹tono tomo sona› · kin¹ jan Ke Tami li toki e ni : ‹mi ken ala luka pona jo pona e lipu› · pakala ni li musi · taso seme li pali e ona ·

kulupu suli li alasa e sona ni · tenpo ni la ona li toki e ni : lawa li pali e toki la pali ni li wan ala li tu · lawa li kama toki la ona li kama jo a² e toki wile e kalama wile · ni a la lawa li jo la ona li toki e jo ona · taso lawa li jo e toki wile taso ala e toki ante mute · tan ni la toki pakala li ken · pali lawa mute li ken pakala e toki · mi toki e pali ni san³ ·

nanpa wan la lawa li kama jo e toki la ona li kama jo lili e toki mute sama · jan Ke Tami li wile toki e ‹jo pona› li toki e ‹luka pona› · ni li nasa ala · a⁴ jo mute li lon luka · ni la lawa li kama jo e nimi ‹jo› la ona li kama jo lili e nimi ‹luka› kin · sama la lon tomo moku la jan Simiman li toki e ni : ‹telo lete walo li lon› · ken la jo ‹telo walo› li sama jo ‹telo lete› lon lawa ona · ni ante li ken : ona li oko e telo lete lon tenpo pi toki ona ·

nanpa tu la lawa li kama jo e toki la ona li kama jo lili e nimi ali pi kalama sama · ni la sina wile toki e nimi ‹lipu› la lawa sina li kama jo e nimi ‹lupa› kin · ni li lon lawa mi a lon tenpo pini · a mi toki pakala ni e nimi ‹lipu› · lon ma Pelin la jan Ke Tami li toki e ni : ‹ma ale pimeja pi ma Elopa› · ona li wile toki e ‹pi ma› li toki e ‹pimeja› · kalama ni li sama ·

nanpa san la lawa li wile toki e jo ona la ona li ken toki e jo ante · jan Toma li toki e ‹tono sona› la lawa ona li jo e kalama ali pi toki ‹tomo sona› · ona li wile toki e kalama ‹m› pi nimi ‹tomo› la lawa ona li kama jo suli e kalama ‹n› pi nimi ‹sona› · a kalama ‹n› li sama kalama ‹m› · ni la toki ‹tono sona› li kama · tan pakala ni la mi kama sona e ni : lawa jan li kalama e toki la ona li sona e kalama wile pi tenpo kama ·

kepeken sona ni la mi ken musi e musi · mi ken pali e toki nasa · ona o jo e kalama mute sama · ni la sina o kalama e toki ni kepeken tenpo lili · o kalama e ni : ‹lawa li alasa kalama li kama ala kalama pakala la lawa li wawa a› · pali suli anu seme · lawa sina li kama jo suli e toki mute lon tenpo lili · ni la ken ni li suli : sina toki e kalama pona lon tenpo ike ·

taso ken la lawa li pali sama ni ala · kulupu li wile sona e nasin lawa la ona li toki e nasin ken pi toki pakala · ni la ona li alasa e toki pakala mute li pali e pali nasa mute lon jan · ona li kama sona e pakala sin la pakala li ken ala lon nasin ni la nasin li pini ken · ni la kulupu li alasa e nasin ante · kulupu li awen ni li awen wawa e sona ona ·

¹ kin la
² li kama jo
³ tu wan
⁴ tan ni: