toki pona li lili. toki musi aku (haiku) kin li lili. ona li lili tan mute nimi ona tan nasin toki ona. taso ona tu li ken pana e pilin suli. jan ken kama sona e nasin lukin ante kepeken ona.

jan mute li sona e ni. toki aku li jo e linja tu wan. linja nanpa wan en linja nanpa tu wan la kalama li luka li tan kulupu a-e-i-o-u. linja nanpa tu li jo e kalama luka tu. ni la nimi ‹soweli› li kalama tu wan. nimi ‹pilin› li kalama tu.

sina wile pali e toki aku la sona ni kin li ken lawa e pali.

o toki e ma, e soweli, e waso, e kasi, e tenpo, e lon jan, e ijo sama ni. toki li ken toki e ijo ali. taso ona mute li ni.

o kepeken nimi kipisi. nimi kipisi li seme? ona li pana e sijelo tawa toki sina. ona li pana e pilin pi ijo pini anu ijo ante kama. toki pona la nimi li ken ni: taso, anu, a, o, n, kin, ala. nimi mute li lon ala lon toki pona. tan ni la pilin pini anu pilin pi ijo ante kama li ken kepeken nasin mute.

o toki ala e pilin sina taso. ante la o toki e tan pi pilin sina. seme li pana e pilin tawa sina? ni la jan ante kin li kama pilin.

sina ken pali e toki aku kepeken tenpo lili anu tenpo suli. tan lili ona la ona li ken awen lon lawa sina. tenpo pini la jan mute li pali e toki aku pona a. sina lukin e ona la sina ken sona e nasin pona pi toki aku.

ma Nipon li mama e toki musi ni. taso jan ali li ken sona e ona e pilin suwi tan nasin ona. o tawa ma suwi pi toki aku!

telo lili la
akesi li kama lon.
kalama telo.
-- jan Paso (Basho, tan ma Nipon)

ma ni li sama
telo lili wan taso –
ken o ken taso!
-- jan Isa (Issa, tan ma Nipon)

mun lili mute
o awen lon poka ma!
ma li wan li wan
-- soweli Eli

telo li anpa
laso li wawa tan ni
sewi li anpa
-- jan Jasepe

anpa kasi la
sina ken lape pona.
o pilin e kon
-- jan Lija