o pali e moku telo pan (Brotzupa, Wodzionka)!

sina wile pali e moku telo pan la, sina wile jo e ijo ni:

• pan
• namako:
• kili walo (jan li moku e telo sijelo loje la, kili walo li ike tawa ona.)
• ko namako walo
• ko namako loje pimeja
• telo Maki (Maggi)
• telo
• ko soweli anu ko pi telo walo pi soweli

o kipisi^[1] e pan. sina wile jo e pan lili (anu pan suli sama sitelen). o pana e pan tawa supa moku. o pana e telo tawa poki. o seli e poki, e telo. o pana e ko soweli, e kili walo, e ko namako walo tawa telo. sina wile la, sina ken pana e namako kasi tawa telo. o pana e telo tawa supa moku (pan li lon supa moku ni). sina wile la, o pana e telo Maki, e ko namako loje pimeja tawa moku telo pan. sina pini!