jan Sonja li pali e lipu lili · ona li nimi e ona ali wan kepeken kalama wan · lipu ‹pu› li kama · ona li kama e lipu ‹ku› · jan li ken awen sona e ni ·

taso lipu li mute la kepeken seme la jan li ken awen sona e ni : lipu seme li kama e lipu seme · mi pali e ilo toki tan ni · ona li jo e kalama pi lipu ali · jan li toki e ilo ni toki la ona li toki e kalama ali · ni la jan li awen sona e ilo la ona li awen sona e kalama · lipu li tu taso la mi toki e ilo ken lon mi ·

pu ku lu u su nu ju

• pakala o suno jan

pu ku lu ju u nu su

• pakala jan o nasin

sin la lipu ‹su› li kama · tan ona la ilo ken pona li kama lili taso · ilo toki seme li awen ken · mi toki e ona ali ·

kalama ‹pu ku su› li kama e toki · ona li ken pali seme e nimi ·

pu-ku su

• poki/poka s–

pu ku-su

• pan kasi

pu ku su

• pan ken/ko/kon s–

kalama tu tu li awen · kepeken ona la jan li ken pali e nimi seme ·

u

• a/e/o

u-lu

• ala/ali/olin

u-nu

• anu/ona/unu

ju

• jo

ju-lu

• jelo

lu

• la/li/lon

lu-ju

• linja/loje

su

• san/sin

su-ju-lu

• sijelo

su-lu

• seli/suli

su-nu

• sona/suno/sina

mi pali e toki mute kepeken ken ni ·

pu ku su u nu lu ju

• pan kasi anu linja
• poka sin ona li jan

pu ku su lu ju u nu

• poka sijelo o ni
• poki sijelo ni a
• poka san la jan ona
• pan ken sin li jo e ni
• pan ko sin la jan o ni

pu ku su lu nu u ju

• pan ko seli ni o jo

pu ku su nu u lu ju

• poka sina o loje
• poki suno o lon jan

pu ku su nu u ju lu

• pan kasi ni o jelo

pu ku su nu ju lu u

• poka suno jelo o

pu ku su nu lu u ju

• ‹paka›¹ · sina lon e jan

pu ku su nu ju u lu

• poka sina · jan olin

sina kin o pali e ilo toki · ken seme li pona · mi wile sona e pali sina ·
¹ nasin pi toki sike la ‹pakala› ·