lipu tenpo li jo e lipu Patreon! o kama sona e ni!

lipu tenpo logo

lipu tenpo

pilin mi pi nasin nanpa pona

jan jan Momo tenpo 2024-03-20 lipu nanpa kalama toki toki

sitelen pona of the below text

tan jan Momo

mi jan Momo · toki a ·

suno mute en mun mute li tawa sewi pi lawa mi,
taso sona nanpa lili li tawa insa pi lawa mi.
tan seme …
mi lukin ala e lipu mi pi sona nanpa. (… a a)
lon la ni li ike suli tan ni:
mi wile sitelen e lipu suli nanpa lon tenpo poka a.
taso ni li suli tawa mi taso. tenpo sama la
mi kama ala sona e sona nanpa pi tomo sona mi
li kama sona e nasin nanpa sin.
nasin ni li pona mute tan ni: ona li lon lipu su
li wile ala e wawa mute kin. nimi nasin li nasin nanpa pona.
sina sona ala e nasin la o lukin: ijo mute li sama nasin pu.
wan li wan, tu li wan wan, luka li tu tu wan, mute li luka luka luka luka, ale li mute mute mute mute mute.
taso kepeken sin ‹ ale › li lon nasin a. ale ale ale li ken tu wan ale, 205701 li ken mute ale mute mute luka luka luka tu ale wan.
nasin pu la nanpa sama li ale ale ale ale ale ale ale ale ale ale ale ale ale ale ale ale ale ale ale ale ale ale …

10000 li wan ale ale, n pona lukin.
nanpa musi pi jan Owe li luka luka luka tu tu ale mute mute mute mute tu tu.
nanpa en sona nanpa li suli li pona tawa mi la nasin nanpa pona
o lon toki pona. pilin pi jan mute la nanpa li ike li
ike nanpa wan. ken la sina kin jan pi pilin ike nanpa.
ni la mi tawa tomo sina o lukin e ni:
nasin nanpa ike li pana ike e sona la nasin ike li ike e pilin jan kepeken nasin ike.
monsuta nanpa li tan nanpa ala li tan nasin nanpa. nasin nanpa pona kin li ike tawa sina la
sina o awen alasa e nasin pona tawa sina a. sona nanpa li ken ala moli e sina. nanpa li monsuta ala e mi,
taso sitelen pi lipu nanpa li monsuta e mi kin. (Weeee)