(open tan jan Silan Toma; ante toki tan jan Kapesi Pake)

o moli ala tawa pimeja pona tenpo.
majuna¹ o seli, o pakala e tenpo suno pini.
o utala, utala tan moli suno.

tenpo pini la, jan li sona e pona pi pimeja tenpo.
taso, nimi ona li wawa suno ala la, ali
o moli ala tawa pimeja pona tenpo.

jan mute pona, pi telo pini, li pana e telo pi oko suno.
ken la, lon telo la, ijo ona li tawa musi.
o utala, utala tan moli suno.

jan nasa li kama li kalama e suno.
tenpo kama la, sona ona li apeja² kin.
o moli ala tawa pimeja pona tenpo.

jan pi suwi ala, pi moli lukin o,
oko pimeja o pona, o sama mun seli,
o utala, utala tan moli suno.

sina lon sewi pi nena ike, mama mije mi o.
o pakala, o sewi e mi kepeken telo oko seli.
o moli ala tawa pimeja pona tenpo.
o utala, utala tan moli suno.

¹ "majuna" li sama "sin ala"
² "apeja" li pilin ike tan ni: sina ike