Jan Ulise¹

mi jan lawa pi pali lili, li lon poka pi seli pini,
li lon nena mute lete, li lon poka pi meli majuna^(pu),
li pana e toki lawa tawa jan monsuta^(pu) la, lili li kama.
jan ni li awen e mani, li lape, li moku, li sona ala e mi.

mi ken ala pini e tawa; mi wile moku ale e lon.
lon poka pi jan pona anu lon taso la, tenpo ale
li pona a tawa mi, li ike a kin: mi lon ko pi poka telo
anu lon telo pimeja pi kon wawa la,

mi kama nimi suli tawa jan pi ma ale.

pilin mi li ken ala lape la, mi tawa ale, li lukin e mute,
li sona e mute: e ma tomo, e nasin jan, e kon ma,
e kulupu lawa, e mi suli a pi ale ni. mi utala pi
wawa nasa lon supa lete pi ma tomo Toja.

mi kama lukin e ijo mute a; ona ale li kama mi.
taso mi lukin e mute la, mi awen lukin e ma sin;
mi tawa la, pini ona kin li awen weka tan mi. a mi
o awen ala, o pini ala, o moli ala tan pali ala, o suno!

insa kon en weka kon li ken ala ale tawa jan!
tenpo en tenpo li lili ike a! tenpo lili li kama tawa mi.
mi ken awen e tenpo lili a tan moli pi pini ala la,
ona li ken kama e ijo sin. sike suno tu wan la,

mi len e mi e kon mi majuna pi wile wawa la,
ni li apeja. wile seme a? wile pi alasa sona.
mun lili li kama anpa lon selo telo. sama la,
mi wile tawa weka tan ma pi sona jan.

ni li jan lili mi. ni li jan Telemako mi.
tawa ona la, mi pana e palisa lawa e ma lili ni
pi telo suli. mi olin e ona. wawa pi nasa lili la,
mi weka la, ona li wile pali, li ken pona e

jan ni pi lawa ala, li ken nasin e ona
tawa pona tawa pali, li pilin apeja ala,
li wile ala kama ike lon pali pi kulupu jan,
li suwi tawa ale, li olin e sewi pi tomo mi.

pali ona li pali ona; pali mi li pali mi.

o lukin e telo suli. o lukin e ilo telo.
kon suli li lon len ona. o lukin e telo
suli pimeja. jan ale mi pi ilo telo o!
tenpo pini la sina pali, sina utala,

sina lukin insa, sina ni ale lon suno pona
lon kon ike kin. tenpo ni la, sina en mi
li majuna. a tenpo suli la, jan li ken pona,
li ken awen pali. moli li pini ale; ni li lon.

taso lon li awen la, mi ken ijo suli a.
tenpo pini la, mi ale li utala e sewi;
o pali e ijo pi suli sama! suno li musi
lon kiwen pi telo suli; tenpo suno li kama pini.

mun suli li tawa sewi; telo suli li mu sama
kalama uta mute. o kama, pona o! mi ken alasa
e ma sin. tenpo li awen. o open a! o awen anpa
lon telo monsuta, o utala e ona. ni li wile mi:

mi o tawa telo weka; suno pi kama anpa o lon monsi.
ni la, mi ken moli pona. ken la telo linja wawa li pana e mi
tawa ma lili suwi pi telo suli. ma ni la, mi ken lukin
e jan Akile suli. tenpo pini ante la, mi sona e ona.

mute li weka; taso mute li awen. ken la,
mi ken ala tawa e ma e kon sewi kepeken
wawa mi majuna—taso mi awen mi. pilin suli
li weka wawa tan tenpo, li awen wile suli ni a:

o alasa, o lukin, o jo, o pini ala lon tenpo ale.

jan Lapate li pali e ni!

¹toki Ulysses, tan jan Tenison (Alfred Lord Tennyson)