lipu tenpo li lon ma Patreon! o lukin!

lipu tenpo logo

lipu tenpo

wan taso la

jan jan Lapate tenpo 2023-05-14 lipu nanpa jaki musi musi

wan taso┬╣

wan taso la, mi toki insa
e suli; ma weka la, mi
nanpa e tawa noka mi;
mi wile ala oko e sitelen ante noka.

pilin pona li weka; lon sinpin mi la,
jan ale li ken lukin e seli insa mi.
mi la, len ante ala li lon: mi
o weka, o wan taso a!

tenpo ni la, nena suli en telo tawa
en ma pimeja pi kasi suli li sona
e lon mi, e lon len mi.

taso nasin weka ale la, olin li
alasa e mi, li toki tawa mi; kin la,
mi toki tawa olin a!

jan Lapate pali e lipu ni!

┬╣ sama toki ni pi jan Petaka: Solo e pensoso