lipu tenpo li lon ma Patreon! o lukin!

lipu tenpo logo

lipu tenpo

pini weka

jan jan nalu tenpo 2023-05-14 lipu nanpa jaki musi musi

drawing of person in suit sitting on a big letter G in the sky

tan jan Loli en jan Alonola

jan Jakomo Lopate¹ li jan pi toki musi li jan pi nasin lawa kin tan ma Italija. pali ona la, sona pi jan ali la, toki musi ni li suli.

jan Jakomo li tan ma tomo lili; lon poka ona la nena li lon. tenpo mute la, jan Jakomo li wile weka e pilin ike ona la ona li tawa sewi nena li awen lon ni.

pini weka

tenpo ali la mi olin e nena ni
e sinpin kasi ni: tan nasin mute la
ona li len e lukin tawa weka.
taso mi anpa la mi oko insa
e ijo ali ni lon monsi sinpin:
e ma pi pini ala, e pona suli,
e kalama ala sewi; a, mi pilin
monsuta lili kin. mi kute e kalama
pi tawa kon lon kasi la mi sama
e kalama ala ni e kalama kasi:
mi lukin insa e tenpo ali suli
e tenpo pini moli e tenpo ni lon
e kalama ona. ni la lawa mi
li insa e telo pi suli ni sewi:
telo ni li anpa e mi la ni li suwi.

‒ jan Jakomo Lopate, 1818 anu 1819
(ante toki tan jan nalu)
(sitelen tan jan Loli)

¹ Giacomo Leopardi (1798-1837)
² Eleonora "Lori" Lucchesi, 1939-2024