tan jan Kapesi Pake
“lipu tenpo” li nimi pi lipu ni. jan lawa pi lipu tenpo li wile e ni: toki ante la, nimi ona li sama “Die Zeit” anu “The Times.” nasin nimi ni li ilo pona anu seme tawa sina?
sitelen pi lipu tenpo li ni: sitelen pi nimi “lipu” en sitelen pi nimi “tenpo” li sitelen wan. tu li wan! pona la, jan li wile sitelen e sitelen sin ni kepeken ilo sona kin. ilo sina li kepeken ilo sitelen la, ilo sitelen li kepeken nasin Juniko la, o sona e ni: sitelen pi nasin Juniko li sama sitelen pi “lipu tenpo.” mi sitelen e ona! ni li ona: ◳
nimi ona li nasin Juniko nanpa U+25F3.
sona ni la, jan o kepeken sitelen ni tawa toki pi lipu tenpo. sitelen pona ni li pana e sitelen ilo tawa jan, tawa toki ona. ni li pona tawa mi. ni li musi kin.
tenpo ali la, mi wile e ni: jan li lukin e ◳.