toki musi

Categories
toki toki musi

toki pilin tu

o lukin. ni li toki tu. taso nimi li sama.

mi wile sona e ijo ale.
sina en ijo sina li suwi taso.
sina jaki ala.
jaki ale li weka tan sina.
jaki li wile ala awen.

ni li lon sina.
awen la ale li ken pilin ike.
taso sina tawa ona la ike li weka tan pilin.
sina tan ala pilin.
ona ike li kama ona pona.
ona li pona tan suwi sina taso.
sina suwi.
lon tenpo ala la ike li kama tan sina.

suwi sina li awen.
ike li kama ala.
o kama toki.
ni li tan wile sona mi li suli lon pilin.
mi en sina li wile ala sama jaki li awen.
lon sina la pona seme li ken .
kama o pana e sona ni.


mi wile sona e ijo.
ale sina en ijo sina li suwi.
taso sina jaki ala jaki.
ale li weka tan sina jaki li wile ala awen.

ni li lon
sina awen la ale li ken pilin ike taso
sina tawa ona la ile li weka tan pilin sina. tan ala pilin ona.
ike li kama ona.
pona ona li pona tan suwi sina.
taso sina suwi lon tenpo ala la ike li kama tan sina.

suwi sina li awen weka ike li kama ala.
sin o kama.
toki ni li tan wile .
sona mi li suli lo.
pilin mi en sina li wile ala sama.
jaki li awen lon sina la pona seme li ken kama.
o pana e sona ni.

Categories
toki toki musi

toki pali tu

o lukin. ni li toki tu. taso nimi li sama.

jan li lukin.
pali li kama suli la ni li nasin ike.
pali li kama la jan li wile weka e ona.

taso jan ante li lon pali ona li lawa e ona.
kin la jan ni li sama jaki suli li ike e pilin pi jan pali.
ni ale li kama ante tan ijo kama

pali jan la lipu mute li suli mute li ike mute.
lipu o awen kama weka.
lipu li ken ala pona la seli li pakala e lipu.
taso lawa li kama moli kin li pakala.
ni la jaki li weka.


jan li lukin pali li kama pali.
suli la ni li nasin.
ike pali li kama la jan li wile weka e ona.

taso jan ante li lon.
pali ona li lawa e ona kin la jan ni li sama.
jaki suli li ike e pilin pi jan pali ni.
ale li kama ante tan ijo kama

pali jan la lipu mute li suli.
mute li ike.
mute lipu o awen kama.
weka lipu li ken ala.
pona la seli li pakala e lipu taso.
lawa li kama.
moli kin li pakala ni la jaki li weka.

Categories
toki toki musi

toki loje tu

o lukin – sitelen ni li pana e toki tu – nasin pi toki nanpa wan la sitelen lili
「,」 li pini e toki wan li open e toki sin – o lukin ala e sitelen lili 「‘」 – nasin pi toki nanpa tu la sitelen lili 「‘」 li pini e toki wan li open e toki sin – o lukin ala e sitelen lili 「,」 – ni pi nasin tu li musi ala musi tawa sina

kili lili li lon, tomo mi li loje lon selo, kili’ ni li lon’ tomo, ni li pona’ wawa li awen e tomo’ loje, kili li wawa lili, taso’ lili ni li ken, lili taso li nasin, ona’ lili li awen e tomo, ala li lili taso a

kili li awen, tan tomo li kili pi wawa lili

a mi moku e kili, ni la seme li kama, lon mi li ante’ seme li sin e kule, selo’ mi pi tenpo pini li sama ala, loje ni’ mi en selo tomo li ante’ ala, loje li lon tomo’ loje, mi en kule kili li sama’ ala, mi en tomo li sama

Categories
toki toki musi

kama

tan jan Penta

mi o, toki · ni li sina · o awen lukin! ni li musi ala · ni li sina · mi sina · lipu ni li tan sina, li tan tenpo kama · mi toki tawa sina tan tenpo sama · o awen lukin · mi wile toki · mi wile toki e ijo sin tawa sina · ike ala o lon sina la sina o awen lukin ·

tenpo mi la tenpo sike luka li tawa weka tan sina · tenpo pini la sina pilin e ni : ｢mi pona tawa jan ale · mi ike ala tawa jan ale · selo jan li suli ala tawa mi · mi lukin ala e kule · jan li wile e weka pi ike selo la jan o toki ala e ante kule e ante selo｣ ·

ike la ni li wawa sina · sina walo · jan pi kule ante en jan pi selo ante o utala e ike mute lon kulupu ona · ona li kama sona e selo ona lon tenpo open · kulupu li suli e jan walo · tan ike pi tenpo pini la jan pi selo ante li jo e mani lili · kulupu lawa li awen moli e jan pi kule ante · nasin ni li awen e suli walo · sina la jan pi nasin awen li pona · ni li ike · sina wile awen e nasin pi tenpo ni la sina jan ike · sina ike taso ·

taso, ni li ken ante · sina o sona e pakala pi jan ante · nasin sewi sina li pakala e pilin sina · nasin sewi sina li ike pilin tawa jan pi kule ante · kulupu sina li sewi e jan mani · nasin sewi sina li olin pake e ante pona ale · ike!

pilin sina o pini o ante · o pakala e suli walo · nasin awen o kama anpa tan nasin ante · ante nasin li sewi e kon · ike pi ante ala o kama ala! o toki ala e musi jaki e musi ike · o pana e mani sina tawa kulupu pi wile ante ·

ken ike la sina pini lukin · ni li ken · mi sitelen tawa sina, taso mi sitelen tawa mi kin · pali pini mi li monsuta mute e ale mi · mi wile pakala e pini ale · mi wile pakala e ike ale · a, mi ken ala · mi o taso e ike pini · mi o lili e ike ni · mi wile e ni : sina ante kepeken tenpo lili · taso, ni li lon ala ·

ke li kama · ike mi li kama · kama mi li kama ike · mi wile ante, anu mi wile ike · ni taso li lon · ni li apeja mi · mi ike pilin tan ni : mi ike ·

Categories
toki toki musi

toki tu

o lukin – sitelen ni li pana e toki tu – nasin pi toki nanpa wan la sitelen lili 「,」 li pini e toki wan li open e toki sin – o lukin ala e sitelen lili 「‘」 – nasin pi toki nanpa tu la sitelen lili 「‘」 li pini e toki wan li open e toki sin – o lukin ala e sitelen lili 「,」 – ni pi nasin tu li musi ala musi tawa sina

jan lili li awen lon tomo lon tenpo’ ale la ona li pilin musi’ ala li wile pini e ni’ ike, ala li kama’ ante li pana e pilin, pona la waso li mu li mu li mu’ taso, ona li kama, toki li ante tawa pilin jan, kute’ mu li lon, nasin toki li sama toki li toki, mu’ waso li toki’ ala li sama ni lon tenpo ale

ma li lon selo, tomo li pona tawa jan’ ni li awen lon sona ona tan mu waso

Categories
toki toki musi

monsuta li lon

tan jan Penta

jan li kama, li kama lukin e sitelen nimi · sitelen nimi li jo e nimi mute, e nimi jan · nimi ni li ni : ｢o weka! o weka! monsuta li lon!｣ jan li wile sona e kon pi sitelen nimi · jan o tawa kulupu tomo lon poka tan ni · jan li tawa · jan li kama · kama la, jan li lukin e soweli mute · ona li loje li jelo laso · noka ona li tu tu · len linja selo ona li palisa sike · ona li kepeken kasi lili · ona li moku e kasi sama · soweli mute ni li pona · taso jan li kama la, soweli li tawa weka kepeken wawa ·

jan li lon la, soweli mute ni li pana e mu ike · ｢mu! mu! mu!｣ mu ona li kalama suli, li kalama taso pi ken kute · jan li sona ala e mu ike · jan li kute ala e kalama sama ni lon tenpo pini · jan li toki insa : ｢soweli ni li nasa · nasa ona li tawa nasa, li mu nasa · mu li toki ona · mu ona li mu pi pilin pakala · kon pi mu ni li seme?｣

soweli li tawa monsi · ma monsi li ma pi kasi mute · kasi li suli, li len pona e soweli · monsi li lon · taso ma sinpin li lon kin · kulupu tomo li lon ma sinpin · tomo li suli linja · selo pi tomo ni li kiwen, li pimeja walo · sinpin kiwen li lon poka pi kulupu tomo · ilo jan li lon kin · ijo jan li ilo, li jan, li kiwen, li tan jan ante · ilo jan li pali e seme? jan li wile sona e ni ·

soweli ante li lon kulupu tomo · taso ilo jan li alasa e soweli · ilo jan li luka kin e soweli · sinpin pi soweli ni li pilin monsuta · ona li pana e mu ike kin · ilo jan li tawa e soweli tawa tomo kiwen · tomo kiwen la, jan li lukin e ijo · jan li kama toki insa a : ｢ni li seme? ijo seme li lon insa pi tomo kiwen?｣ jan li kama sona · seli li lon insa pi tomo kiwen · ilo jan li weka e soweli · ilo jan li pana wawa e soweli tawa seli · seli li moli seli e soweli · mu ike mute li kama lon · taso mu ni li pini ·

jan li kama pilin monsuta · jan li wile sona e ni : soweli li moli tan seme? soweli o moli tan seme! ona li moli tan ni :  jan mute li wile moku a e soweli · jan pi moku soweli li wile e soweli moli tan wile moku ona · seli li seli e soweli tan ni · ma en kasi li tawa nasin ni taso · ilo jan en tomo kiwen en kulupu tomo en wawa ni li tawa nasin ni taso · soweli li wile lon · soweli li wile ala moli · taso soweli li ken ala awen · ala li awen e soweli · wile moku ali li pakala e wile pona ale · jan pi ma ale li pilin e ni taso : ｢mi ken ala lukin e moli soweli la, moli soweli li suli ala! ilo jan en jan ala li moli e soweli la, ali li pona! moku mi li ijo nanpa wan! a! a! kin la, jan pi moku soweli ala li jan pi nasa mute!｣

jan li pana e kalama ike tan uta · jan li pana e telo lawa tan oko · jan li lukin e tomo kiwen ale, e pakala soweli ali · lon ni li lon · lon ni o lon · jan li lon e lon ni taso · monsuta o lon kin · sitelen nimi pi ma ni li jo e kon wawa · sitelen nimi li wile taso e ni : soweli o weka, o weka tan jan · jan li kama sona · jan li ken ala sona ala · jan o sona e ni : jan li monsuta ·