Categories
musi toki

alasa nimi: ma Osejanija

tan jan Sonatan

o alasa e nimi pi ma Osejanija! ona li lon nasin supa sama ni:
“_” li lon nasin sinpin sama ni: “|”. nimi ma ni li lon poki nimi:

Intonesija / Nusilan / Oselija / Papuwanijukini / Pisi / Samowa / Tona / Tuwalu / Wanuwatu

pukintonesijawe
akolspltunemoke
pnnsanokesttiss
uopomuwanuwatuu
wakaostemesptow
aneswiinpisiipo
nakealposetlowl
ipateastoseeeno
jotamnaetuwalus
ukopispepininee
kknoliaeakentel
ieakalwnemepoji
najenoosewesoij
ikesojolelojuna
osentepokinotew
sona pona
Categories
musi toki

mi ale

tan jan Alonola

mi ale li sike e suno,
mi ale li oko e laso,
mi ale li moku e telo,
mi ale li moli.

mi ale li moku, li lape, li seli,
mi ale li tonsi, li mije, li meli,
mi ale li soweli.

mi ale li alasa e lon pona,
mi ale li ona:

ona li pona ala lon tenpo ale,
mute la, ona li ken ala lape,
ona li jo ala e ike ala,
ona li nasa.

taso ona li mi ale,
mi ale li sama,
sina li taso ala.

Categories
musi toki

seme li mi?

tan jan Alonola

sina lili lon tomo sona la,
sina sona e nanpa lili a.
ken la, sina sona e mi;
mi la, mute en luka li suli.
mi lon poka wan;
mi lon poka san.
nimi pali mi li sama “kipisi
pona en ike, ku en pu li mi.

tan jan Alonola
Categories
musi toki

tenpo pi mi jan lili la…

tan kije Enki

tenpo pi mi jan lili la
mi kama pilin pakala
pakala li lon insa la
mi toki e ijo ala
jan li wile sona e mi
taso mi toki lon ala
mi lili li toki suli
pona taso, ike ala
a taso tenpo ni a la
ale li pini ike la
li poka kama pakala
en musi ike pakala
tawa wawa a a a la
mi monsuta
tawa anpa
mi pini sona e pini
ike taso, pona ala

ante toki pi “Як дитиною бувало…” tan jan Ukwainka (Леся Українка)

Categories
musi toki

jan pi lon ala

tan jan Kapesi Pake

tenpo pini lon leko1 la
mi lukin e jan pi lon ala.
ona li weka kin lon ni.
o tawa, tawa a tan mi!

mi kama lon tenpo lape
la jan nasa ni li awen.
taso, mi alasa oko
la ona li weka tan tomo!
“o weka! o weka! o kama kin ala!
o weka! o pakala ala e lupa…” (a!)

pimeja la lon leko la
mi lukin e jan pi lon ala.
ona li weka kin lon ni.
jan o tawa weka tan mi….

1 ni la, “leko” li sama supa

ante toki pi “Antigonish” tan
jan Men (William Hughes Mearns)